F2 gulur: Leit við Hrafnistu í Hafnarfirði
Sveitin var boðuð til leitar við Hrafnistu í Hafnarfirði. Útkallið var afturkallað þegar hinn týndi fannst örfáum mínútum síðar.
Sveitin var boðuð til leitar við Hrafnistu í Hafnarfirði. Útkallið var afturkallað þegar hinn týndi fannst örfáum mínútum síðar.
Sveitin auk annarra björgunarsveita af Höfuðborgarsvæðinu voru kallaðar til leitar eftir að ung einhverf stúlka týndist við skóla í Hafnarfirði. Þegar leitin hafði staðið yfir í um þrjár klukkustundir fannst stúlkan heil á húfi.
Hálendisvakt sveitarinnar var kölluð út vegna erlends ferðamanns sem datt á höfuðið á Laugarveginum milli Hrafntinnuskers og Álftavatns. Fékk hann við það djúpan skurð á höfuð og þurfti að komast undir læknishendur til að sauma saman.
Sveitin var boðuð til leitar að konu á Höfuðborgarsvæðinu ásamt fleiri björgunarsveitum af suðvesturhorni landsins. Tveir hópar fóru til leitar frá sveitinni. Konan fannst heil á húfi.
Hálendisvakt sveitarinnar var boðuð vegna vélhjólaslyss á Sprengisandsleið, rétt norðan fjórðungsvatns. Erlendur ferðamaður í skipulagðri vélhjólaferð hafði fallið af hjóli sínu og fótbrotnað. Maðurinn var fluttur á börum í jeppa sveitarinnar niður að Aldeyjarfossi þaðan sem sjúkrabíll tók við honum og flutti á sjúkrahús.
Kona óskaði aðstoðar hálendisvaktar eftir að hafa lent í hjólreiðaslysi á Gæsavatnaleið. Hún hafði verið að hjóla frá Nýjadal og var ferðinni heitið að Drekagili við Öskju.
Sveitin var kölluð út ásamt fleiri björgunarsveitum af Höfuðborgarsvæðinu og SHS vegna ungrar konu sem féll af hjóli sínu og slasaðist á öxl. Hún var að hjóla Jaðarinn sem er vinsæl fjallahjólaleið frá Bláfjallavegi að Elliðavatni í jaðri hraunbreiðu í Heiðmörk sem heitir Húsfellsbruni. Flytja þurfti konuna nokkurn spöl þangað …
Björgunarsveitir á Höfuðborgarsvæðinu voru boðaðar rétt eftir miðnætti til leitar að erlendum ferðamanni sem síðast hafði sést til úti á Granda í Reykjavík. Ferðamaðurinn kom fram síðar um nóttina heill á húfi eftir tæplega fjögurra klukkustunda leit.
Undanfarar björgunarsveita á Höfuðborgarsvæðinu voru kallaðir til að fara með þyrlu Landhelgisgæslunnar austur að Sólheimajökli þar sem ferðamaður hafði runnið niður tugi metra og slasast. Björgunarsveitir á Suðurlandi komu að manninum sem var síðan fluttur með þyrlunni til Reykjavíkur.
Sveitin var boðuð á hæsta forgangi vegna báts sem varð vélarvana á Skerjafirði og rak í áttina að Lönguskerjum. Stefnir var við það að leggja úr höfn þegar annar sjófarandi var kominn á vettvang og búinn að ná bátnum í tog.